Соғлом одамнинг 150 грамм тарвуз тановул қилиши унинг бир кунлик магнийга бўлган эҳтиёжини қондиради Шу боис қон босими баланд кишилар уни кундалик таомномаларига киритиши керак.
Тарвузда сийдик ҳайдаш ҳусусияти бошқа мева ва сабзавотларга нисбатан жуда кучли.
Бундан ташқари, тарвуз танадан ҳолестеринни чиқариб юборишда қўл келади.
Тарвуз шарбати жигардаги токсинлар, яъни заҳарли моддаларни эритади ва чиқариб юборади. Антибиотиклар билан даволангандан сўнг, кучли таъсир этувчи дориларни тарвуздан тўйиб ейиш лозим.
Ёки узоқ вақт норкоз остида операцияни бошдан ўтказгандан сўнг мазали тарвуз тановул қилиш жигардаги дорилардан организмни тозалашда яхши фойда беради.
Тарвуз таркибидаги темир моддаси фақат салат барглари ва исмалоқдан кейин туради. Тарвуздаги темир организмда енгил ўзлаштирилади, чунки у органик моддадир. Шу боис тарвуз камқонлик (анемия)ни даволаш ва профилактикасида энг яхши ёрдамчи.
Диабет билан касалланганлар ва ҳомиладорликнинг охирги уч ойида тарвуз тановулидан тийилиб турган маъқул.
Яхши тарвузни қандай танлаш керак?
Тарвуз сотиб олаётганингизда унинг жуда каттасини ҳам, кичкинасини ҳам танламанг. Катта тарвузларни катталаштириш учун турли дори воситаларидан фойдаланган бўлишлари мумкин, жуда кичиклари эса ҳали тўлиқ етилмаган бўлишини ёдда тутинг.
Ҳеч қачон ерда турган тарвузни олманг, унинг тагида яна бирор нарса тўшалган бўлсин.
Тарвуз пўстидаги чизиқларнинг аниқлигига аҳамият қаратинг, уларнинг тарам-тарам бўлиб туриши ширинлигидан далолатдир.
Тарвузни сотиб олаётганингизда унинг томирига уланадиган жойини кўздан кечиринг, агарда у сўлиб қолган бўлса, бу бир неча кунлик тарвуз эканлигидан далолат беради. Бундай тарвуз бироз эскирган бўлиши ва зарарли оқибатларга олиб келиши ҳам ҳеч гап эмас.
Ёки тарвуз ҳарид қилишдан олдин ҳидлаб кўринг. Пишган тарвуздан доимо ёқимли ҳид келади. Бироқ пишиб ўтиб кетганини зинҳор танламанг, буни унинг пўсти қурий бошлаганлигидан билса бўлади.
Тарвузни танлашдаги энг яхши усуллардан бири- бу уни чертиб, уриб кўришдир. Пишган тарвуздан жарангдор овоз чиқиши барчамизга маълум.
Яхши ва етилган тарвуз катта, шу билан бирга енгил бўлиши керак. Тарвуз етилиш вақтида уни зичлиги камайиб боради. Агар кичик ва оғир бўлса демак ҳали етилмаган (пишмаган).
Етилмаган тарвузда етилганига нисбатан 2,5 баробар кўпроқ нитратлар бўлади. Бу ўртача 1 кг тарвузда 200 мг нитрат бор дегани. Нитратларни хавфлилиги шундаки, у қондаги гемоглобин билан бирикиб уни кислород ташишига тўсқинлик қилади. Оқибатда моддалар алмашинуви, марказий нерв тизими, иммунитет, жигар фаолияти иши изидан чиқади. Айниқса нитратларга болалар сезгир бўлади.