You are currently viewing Ёз мавсумида ўткир ичак бузилишларидан сақланинг!

Иссиқ ҳавода чанқоқни босиш учун ичимликлар ичишга ва муздаккина қовун ва тарвуз ейишга иштиёқ туғилади.

Қовун тарвузлар яхши сақланмаса, ёриқлари бўлса:

  •  микроорганизмлар кўпайиши учун қулай шароит бўлади;
  •  ичак касалликлари келиб чиқади.

Қовун – тарвуз ва меваларни уйга олиб келгач, яхшилаб ювиб кейин истеъмол қилинг !

  • Қовун тарвузларни ташиш, сақлаш ва харидорга етиб келиши талаб даражасида бажарилмаса, микроблар нафақат устки қисмида балки ичида ҳам пайдо бўлади.

 Агар сизда ва оила аъзоларингизда қовун-тарвуз егандан сўнг кўнгил айниши, бош оғриши, қайт қилиш, ич кетиши, тана ҳароратининг кўтарилиши, дармон қуриши кузатилса, дарҳол шифокорни чақиринг.

Сифатсиз қовун – тарвузларни еманг! Айниқса болаларни асранг.

 Полиз экинларидан қовун ва тарвузларни истеъмол қилишда

нитратлардан заҳарланишдан эҳтиёт бўлинг:

  • нитратлари бўлган тарвузни кесганда ичида ноодатий юмшоқ жойлари бўлади ва мағзининг ранги тиниқ бўлмайди.
  • нитратлари бўлган қовуннинг пўчоқ қисми билан мағзи ўртасида 2-3мм сариқ рангдаги чайналмайдиган толалар бўлади.

Харид қилаётганда эътиборли бўлинг!

Қовун – тарвузларни кўчалар четидан, тик қуёш остидаги очиқ майдонлардан эмас, балки сақланиш шароитлари талабга жавоб берадиган, сифати кафолатланган махсус савдо шахобчаларидан сотиб олган маъқул.

Касалликка чалинмай десангиз:

  • Мева ва сабзавотларни ювмасдан еманг.
  • Қўлларингизни тез-тез ювиб туринг.
  • Қайнатилмаган сув ичманг.