Тиббиёт илмининг султони Ибн Сино: “Бошингни қуёш нурларидан, оёқларингни эса совуқдан асра”- дея бежиз айтмаганлар.
Албатта қуёш нурларининг фойдали томонлари ва салбий таъсири бор.
Аввало, қуёш нурларининг фойдали хусусиятлари:
– кайфиятни кўтаради, организмни тетиклаштиради
– меъёрида қабул қилинган офтоб нурлари қон айланишини яхшилайди
– эрталабдан соат 10:00 гача бўлган қуёш нурлари фойдали
– айниқса, болаларда Д витамини ҳосил бўлишида аҳамиятли.
Қуёш нурлари:
– кўринувчи – кундузги нурлар
– кўринмайдиган – инфрақизил ва ультрабинафша.
Ультрабинафша нурларнинг А ва Б турининг меъёридан ортиғи организмга салбий таъсир этади!
– агар соат 11:00 дан 16:00 гача тик қуёш нурлари остида узоқ вақт юрилса соғлиққа салбий таъсири кузатилади.
Айниқса бу:
- Болаларда, кексаларда, юрак қон томир касалликларида, семизликка ва қандли диабетга чалинганларда кузатилади.
Меъёрдан ортиқ қуёш нурлари:
–иссиқ элитиши ва офтоб уришига сабаб бўлади;
– терини қуритади, терида доғлар ва сепкил пайдо қилади;
– саратон касаллигига мойилликни оширади;
- айниқса, тик қуёш нурлари остида узоқ вақт юриш ҳолсизлантиради, иммунитетни пасайтиради.
Қуёшли кунларда:
- табиий матодан очиқ рангли кийим кийиш;
- бош кийим кийиш ёки соябон бўлиши;
- кўзайнак тақиш лозим;
- соат 11:00 дан 16:00 гача тик қуёш нурлари остида узоқ вақт юрмаслик ва имкон қадар бу пайтга кўчага чиқмаслик керак!
